市面

指某一方面的情况；场面；生意；活动的地盘。

①格歇送礼市面浪行勒，一只红包顶少几百元。

②人一老呒没用哩，就要靠小辈来撑市面哩。

③格只角里一到下昼是市面阿呒没哩。

④格批人现在勒平湖已经呒没市面哩。

远开

相距；离开。亦作“远开一眼”。

①伢两家人家住勒一条街浪，只远开几个门面。

②伊拉勒放炮仗，勿要靠得太近，要远开一眼，当心弹牢。

油腔滑调

轻浮油滑。亦作“油嘴滑舌”。

小青年要实实在在，勿好油腔滑调。

触翻

倒霉啦。

格趟伊是触翻哩，做勒格坏事体侪揭发出来哩。

敲定

说定、讲妥；指恋爱关系确定。

①格桩生意已经敲定哩。

②伊拉谈哩几年朋友，总算是敲定明年办婚事。

勿来山

不行。亦作“勿来三”、“勿来事”、“勿来”。

有闲话大家好好叫讲，硬撞是勿来山格。